Ihre Browserversion ist veraltet. Wir empfehlen, Ihren Browser auf die neueste Version zu aktualisieren.

Uradel

Adelige Häuser des spätestens um 1400 nachgewiesenen ritterbürtigen deutschen Landadels und ihm gleichartige Geschlechter. (siehe Genealogisches Handbuch des Adels)

Belehnungsurkunde Schmöllen 1498 (aus Chr.Lehnscopialbuch XXIX50)

Wir Johanns, von gottes gnaden Markgraue zu Brandenburg, zu Stettin, Pommern ezc., Herczog, Burggraue zu Nuremberg vun furste zu Rugen, bekennen vnnd thun kund offentlich mit diesem Briue fur vnns, vnnser erben und nachkommen vnnd sunst ydermeniglich, das wir nach versterben rennz Schenckendorffs seligen vnsern lieben getrewen Hannsen und Bernten Schenckendorff seinen Bruder vnnd Iren menlichen Leibs-lehenns erbenn das dorff Smollen mit allen vnnd iglichen seinen zugehorungen, zinsen, Rennten, obersten vnnd Nydersten gerichten vnnd allen gerechtigkeiten, wy das Inn seinen vir reinen gelegen, zu Rechten menlehen vnnd leihen Inn solch Dorff Smollen mit seinen zugehorungen wy obstet zu rechtenn Mannlehen vnnd gesampter hanndt In craft vnnd macht dicz briues, also das sy vnnd ir menlich leibslehenns erbenn dasselb dorff von uns vnnser erbenn vnnd nachkommen zu Rechten manlehenn vnnd gesampter hanndt haben so oft nott thut nemen und entpfahen, vnnd auch doruon halten thun vnnd dinen sollten, als mann lehen vnnd gesampter hanndt Recht vnnd gewohnhait ist etca.

Actum mittwoch nach dem Suntag Quasimodogeniti Im XCIIIten,

Lehnseid der Ritter des Kreises Züllichau um 1499

Dieses hirnach verzeichnete Erbar man haben vnsern gnedigsten vnd gnedigen Herrn Markgraue Joachim, Churfursten vnd Markgraue Albrechten, gebrudern, gehuldigt vnd ire lehn entpfangen. Also:

Wir huldigen, Globen, Sveren und thun den durchlauchtigten Hochgeborn, Fursten vnf Hern, hern Joachim,Kurfursten, vnd hern Albrechten, gebrudern, Markgraue zu Brandenburg, zu Stettin, Pommern etca. Hertzogen, Burggraue zu Nurmberg vnd Fursten zu Rugen vnserngnedigen vnd gnedigsten hern sein rechte erbhuldigung nach laut veterlich vertrag, kaiserlicher vnd königlicher versammlung vnd kurfurstlicher bestetigung, dem vorgenannten hern Joachim als churfursten, vnnd hern Albrechten, gebruder, Markgraue zu Brandenburg vnd iren menlichen leibs erben In voraus vnd ob sie ny mehr weren, auch nciht menlicher leibs lehns erben hinter sich verliessen, vnsern gnedigen hern Marggraue Friedrichen und sienen menlichen leibs lehns erben auch von leibs lehns wegen getrewe gewertig vnd gehorsam zu sein, irn frommen zu werben vnd schaden zu wenden, auch die lehn zu verdienen, vnd die lehn sunst nymmender anders uerrechten, dann vor iren gnaden vnd iren gnaden mannen, vnd ob wir verswigen wissen oder hernochmals erfführen, die iren Gnaden zu melden vnd alles das zu thun, das getrewe lehns mannen irem lehn zu thun schuldig und pflichtig sind getrewlich vnd ongeheuerlich, als vns gott helf vnd die heilige etca. Anno XCIX Jarn.

Czulschiche (Züllichauer) Man Eric zu Cruasche, Sigmundt, Christoph, Bruder Loben zu Nickern und Caltzk, Hans, Berndt, Bruder Schenckendorff zu Hinrichsdorf (Heinersdorf) etc.

Herrscher der Lausitz bis 1635